Që nga e diela e javës së kaluar një biznesmen shqiptar rezulton i zhdukur në ishullin Rodos të Greqisë.
Mediat greke raportojnë se bëhet fjalë për shqiptarin Dzani Topalli, 46 vjeç. Sipas policisë, makina e biznesmenit u gjet e hapur dhe pa çelësa në Kalythies.
Ndërsa zhdukja e biznesmenit 46-vjeçar dhe baba i tre fëmijëve u raportua të dielën, një kamerier në një restorant në Falirak ka dëshmuar se 36-vjeçari ka ngrënë së bashku me dy bashkatdhetarët e tij dhe një fëmije 10-vjeçar në lokale të hënën pasdite. Përveç kësaj, ka një deklaratë nga një ushtar që e ka parë atë në zonë në të njëjtën ditë dhe orë.
Duke qenë se për shkak të punës së tij kishte llogari të hapura dhe po përpiqej të mblidhte detyrimet , është për t’u habitur që ai nuk iu përgjigj një takimi që kishte të hënën në mëngjes me një hotelier i cili do t’i paguante 30.000 euro për punën që kishte bërë.
Një natë më parë ai dyshohet se ka pasur një takim me një tjetër hotelier me të cilin kanë rënë dakord për shlyerjen e borxheve nga një projekt tjetër. Megjithatë autoritetet dolën në përfundimin se më në fund takimi i tyre është anuluar.
Zhdukja e tij ka shkaktuar shqetësim te familjarët dhe miqtë. Bashkëshortja dhe vëllai i tij, të shoqëruar nga avokati i tyre, njoftuan Prokurorin Publik, drejtorin e Drejtorisë së Parë të Policisë Dodekanez dhe efektivët e Nëndrejtorit të Sigurisë Rodos dhe AT Archangelos.
Kujtojmë se 46-vjeçari kishte qenë aty pasditen e së dielës me një grup shokësh dhe ishte larguar në mbrëmjen e së njëjtës ditë për të takuar hotelierin.
