Kina ka hedhur poshtë deklaratën e Samitit të NATO-s që akuzonte marrëdhëniet midis Pekinit dhe Moskës se kërcënojnë “rendin ndërkombëtar të bazuar në rregulla”, transmeton Anadolu.
Në përgjigje të akuzës së NATO-s, zëdhënësi i Ministrisë së Punëve të Jashtme të Kinës, Wang Wenbin tha se marrëdhëniet midis Kinës dhe Rusisë bazohen në parimet e “mos angazhimit, mos konfrontimit dhe mos shënjestrimit të palëve të treta”.
Siç raporton “Global Times” me bazë ne Pekin, Wang u tha gazetarëve se marrëdhëniet janë “thellësisht të ndryshme nga ato që po bën NATO, si formimi i klikave të vogla për konfrontim blloku”.
Dje, një deklaratë e përbashkët e lëshuar pas ditës së parë të Samitit të NATO-s në Vilnius tha se “partneriteti strategjik i thelluar midis Kinës dhe Rusisë si dhe përpjekjet e tyre reciproke përforcuese për të nënvlerësuar rregullat e bazuara në rendin ndërkombëtar bie ndesh me vlerat dhe interesat tona”.
Deklarata i bëri thirrje Kinës të luajë “rol konstruktiv” si anëtare e përhershme e Këshillit të Sigurimit të OKB-së dhe të dënojë luftën e Rusisë kundër Ukrainës.
Kina gjithashtu e “kundërshtoi me vendosmëri zgjerimin drejt Lindjes” së NATO-s në rajonin e Azisë-Paqësorit në dritën e deklaratës së përbashkët të NATO-s.
Një zëdhënës i misionit të Kinës në Bashkimin Evropian (BE) tha se Pekini do të mbrojë me vendosmëri sovranitetin, sigurinë dhe interesat e zhvillimit, si dhe do të kundërshtojë fuqishëm zgjerimin e NATO-s drejt Lindjes në Azi-Paqësor.
