Doarsa Kica-Xhelili, Nënkryetare e Lidhjes Demokratike të Kosovës(LDK), në një përballje me analistin Viktor Buzhala lidhur me nominimin e Albulena Haxhiut për të paren e Kuvendit ka thënë se nuk është e denjë për atë pozitë sepse është shkelëse e Kushtetutës dhe në të njëjtën kohë sillet me krenari.
Viktor Buzhala është shprehur se Haxhiu është gruaja më e votuar në Kosovë dhe se është e denjë për pozitën e kryekuvendares.
Ndërsa Kica-Xhelili ka thënë se ajo nuk e përfaqëson votuesin e LDK-së andaj kryetari i Kuvendit duhet të përfaqësoj unitetin politik.
“Ajo përfaqëson votuesit e saj, krejt legjitime sikurse që unë që përfaqësoj votuesit e mi…shumë mirë që ajo paska kënd ta përfaqësoj por nuk e përfaqëson votuesin e LDK-së, për këtë punë jam unë dhe votuesi i LDK-së nuk pranon kompromise… unë thash e pa-dinjitetshme për me qenë kryetare e Kuvendit absolutisht sepse një person i cili shkel Kushtetutën në vazhdimësi dhe ndjen krenari mbi këtë shkelje është i padenjë për të përfaqësuar Legjislativin si pushtet të ndarë në Kosovë dhe nuk di si ta them këtë më qartë”, ka thënë ajo.
Burimi: botasot.info
