Kastrioti nga Ferizaj nuk ndalet me përforcime, shkon numri në pesë hendbollistë të huaj.
Drejtuesit e klubit me renome përforcohen edhe me dy lojtarë tjerë, kësaj radhe nga Maqedonia e Veriut.
Lojtari Bojan Nikollovski e portieri Martin Bozhinovski, sot prezantohen në klubit ferizajas.
Ditë më parë janë përforcuar edhe me Adis Saliun nga Maqedonia e Veriut, brazilianin Guilherme Da Silva Fernandes dhe malazezin Samid Mekiq.
Nënkryetari i klubit Kastrioti, Fikret Ibrahimi, tha se pritet të sjellin edhe përforcime tjera, por nuk saktëson edhe sa lojtarë tjerë do të zbarkojnë në qendrën e hendbollit.
“Siç ju kemi njoftuar, KH Kastrioti vazhdon me angazhimin e lojtarëve të ri dhe sot finalizuam marrëveshjen me dy hendbollistë nga Maqedonia e Veriut e këta janë: Bojan Nikollovski – alo e djathtë, ish lojtarë i ekipeve Metalurgu, Proleti dhe Pelisteri.
Martin Bozhinovski – portier nga Metalurgu dhe Vardari nga Negotini”, njofton Ibrahimi për gazetën “Bota sot”.
