Kepa Arizabalaga e pranon se kishte mundësi që të largohej nga Chelsea në afatin kalimtar veror.
Portieri nuk ishte i kënaqur viteve të fundit me trajtimin që merrte nga klubi londinez, duke e humbur edhe vendin e titullarit.
Gjithsesi, hatermbetjet duket se kanë kaluar dhe spanjolli është i lumtur në “Stamford Bridge”.
Të paktën kështu lë të kuptohet deklarata e tij e fundit për El Largueron.
“Kisha mundësi ta lija Chelsean në këtë verë, por klubi më dha gjithnjë besim. Ne e analizuam mirë këtë lëvizje dhe jam i lumtur që qëndroj në një klub kaq të madh”, përfundoi ai.
I interesuar për shërbimet e Kepas ishte Napoli.
