A keni vërejtur ndonjëherë pika të vogla në irisin (pjesën me ngjyrë) të syve tuaj? Hulumtimi i ri në revistën Investigative Ophthalmology & Visual Science po hedh dritë mbi këto shenja, dhe pse disa njerëz i kanë ato dhe të tjerët jo. Njollat, të cilat u shfaqen rreth 60% të popullsisë, janë grupe melanocitet anormale, ose qeliza gjeneruese të melaninës, që shfaqen në sipërfaqen e irisit. Ekspertët dyshojnë se, si njollat e lëkurës, ato mund të zhvillohen për shkak të ekspozimit në diell.
“Në dermatologji, shfaqja e njollave të hiperpigmentuara – veçanërisht në lëkurën të dëmtuar nga dielli – është e lidhur me një akumulim të lartë të dritës së diellit gjatë gjithë jetës”, shkroi autori i studimit Christoph Schwab. “Ne mendojmë se rruga e krijimit të njollave të irisit mund të jetë mjaft e ngjashme”.
Për të hetuar këtë teori, Dr. Schwab, i cili është një okulist në Universitetin Mjekësor të Graz në Austri, u bashkua me okulistë dhe dermatologë të tjerë për të ekzaminuar lëkurën dhe sytë e më shumë se 600 njerëzve. 76% e pjesëmarrësve kishin të paktën një njollë të syve; dhe ata njerëz kishin edhe disa gjëra të përbashkëta gjithashtu, zbuluan studiuesit. Ata prireshin të ishin më të moshuar se njerëzit që nuk kishin këto njolla. Ata gjithashtu raportuan një numër të lartë të djegieve nga dielli gjatë jetës së tyre, kishin lëkurë të dëmtuar nga dielli dhe njolla të moshës. Studiuesit shkruan në punimin e tyre se këto zbulime sugjerojnë që njollat e irisit tregojnë se dikush është ekspozuar shumë ndaj diellit.
Dr. Schwab ka një këshillë: “Nëse dikush shfaq njolla të irisit, veçanërisht në një moshë të re, unë do t’ju sugjeroja që të keni më shumë kujdes ndaj ekspozimit ndaj diellit”.
Burimi: GAZETA.MK
