Keanu Reeves është një nga aktorët më të dashur të Hollywood-it dhe për shkak të mënyrës se si pozon me femrat, ai mund të bëhet edhe më i dashur për shumëkënd.
Në disa foto Reeves ka pozuar me fansat femra vetëm në dukje duke i përqafuar ato, pra ka vendosur dorën pas vajzave sikur i ka përqafuar, por nuk i ka prekur.
Shumë njerëz të famshëm dhe madje të panjohur do të shfrytëzonin rastin dhe ndoshta do të pozonin pak më intimisht me fansat femra, por jo Keanu. Dhe pikërisht kjo është arsyeja pse Reeves po merr lëvdata nga fansat e tij në rrjetet sociale.
Në Twitter, ata krijuan një përmbledhje fotografish të bëra gjatë disa viteve që tregojnë se Reeves nuk i prek kurrë, besohet se për respekt, fansat e tij femra dhe për këtë arsye ai është mbushur me komplimente.
“Keanu nuk përfiton nga mundësitë”, “Keanu është një zotëri dhe është mjaft i zgjuar për të ditur se sa e papërshtatshme është të prekësh një grua që nuk e njeh”, “Ai thjesht shmang prekjen e njerëzve, i mban duart për vete. Keanu është një personazh i shkëlqyeshëm”, “Ndjej vetëm dashuri dhe respekt sipas këtij burri, edhe pse nuk e kam takuar kurrë”, shkruanin përdoruesit e Twitter për Reeves, dhe një vëren interesant se duke mos prekur gratë, ai shmang një padi të mundshme.
“Ai thjesht nuk dëshiron të akuzohet për ngacmim seksual, sepse sot edhe një përqafim mund të interpretohet si një shkelje e tillë”, tha një përdorues, ndërsa një tjetër shtoi: “Por askush nuk do ta akuzojë për asnjë lloj sulmi”.
Meqë ra fjala, Reeves ka vite që njihet si një djalë i denjë, modest, një zotëri dhe një yll atipik i Hollywood-it.
