Një katastrofë mjedisore është duke ndodhur në Bashkinë e Kavajës në njësinë Administrative të Luzit, për shkak të djegies së mbetjeve.
Prej më shumë se 6 muajsh subjekti privat i cili ka fituar tenderin për pastrimin e mbetjeve, i grumbullon të gjitha mbetjet e Bashkisë së Kavajës në një fushë pranë njësisë Administrative Luz dhe po aty kryen dhe djegien e tyre, duke krijuar në këtë mënyrë një rrezik shumë të madh për shëndetin e banorëve.
Siç shihet edhe në videon e mbërritur në redaksinë e Abcneës.al, gjatë gjithë ditës në këtë fushë kryhet djegia e plehrave, por Bashkia e Kavajës vijon të heshtë edhe pse ka vazhdimisht ankesa nga ana e banorëve të cilët duhet të përballen me “kancerin”.
Nga ana e subjektit privat grumbullimi i mbetjeve duhet bërë në zonat ku ato janë dhe më pas të transportohen menjëherë drejt inceneratorëve për djegie, por siç eshë e shihni në video plehrat digjen para syve të taksapaguesve.
