Deputetja e Bashkimit Demokratik për Integrim, Arta Bilalli-Zendeli sot ka publikuar një fotografi nga Kuvendi. Në fotografi përveç disa deputetëve dhe funksionarë të BDI-së, shihet edhe deputeti i Lëvizjes Besa, Kastriot Rexhepi, përcjell TV21. Ai qëndron pranë deputetit të BDI-së, Izet Mexhiti.
“Atmosferë pune”, ka shkruar deputetja Bilalli-Zendeli në mbishkrimin e fotografisë.
Ndryshe, nga Lëvizja Besa kohë më parë njoftuan se e kanë përjashtuar Rexhepin nga të gjitha funksionet në parti, pasi deputeti Rexhepi mungoi në Kuvend gjatë votimit për rrëzimin e Qeverisë Zaev 2. Si rrjedhojë, mbeti e paqartë se si do të funksionojë Rexhepi në Kuvend. A paraqet kjo fotografi paralajmërim se Rexhepi do t’i bashkohet grupit parlamentar të BDI-së në Kuvend?
