Kryetari i komunës së Tetovës, Bilall Kasami në një deklaratë për TV21 tha se komuna nuk ka qenë e përgatitur për situata të tilla si vërshimet e sotme, përcjell TV21.
Kasami tha se parregullsitë në kanalizime janë konstatuar shumë më herët.
“Vetë situata në terren tregon që komuna aspak nuk ka qenë e përgatitur për kështu situatash. Fillimisht edhe një herë them se situatat janë të konstatuara shumë më herët nga UNDP, veçanërisht sa i përket kanalizimit atmosferik, por nuk është intervenuar”, tha Kasami.
