Bashkëkryetari i VLEN-it, Bilall Kasami, ka njoftuar për një vizitë në Dibër së bashku me Izet Mexhiti, Mimoza Musa dhe funksionarë të tjerë partiakë, ku nga afër kanë parë zhvillimet dhe projektet që po realizohen në qytet.
Kasami tha se gjatë vizitës është vërejtur transformimi i Dibrës nën drejtimin e kryetarit të komunës, Fisnik Mela, duke vlerësuar angazhimin e tij në muajt e parë të mandatit.
“E pamë nga afër transformimin e Dibrës nën udhëheqjen e kryetarit Fisnik Mela. Aty po punohet në disa projekte paralelisht. Edhe pse pak muaj në detyrë, tashmë ndjehet puna dhe përkushtimi i Fisnikut!”, deklaroi Kasami.
Ai u ndal edhe te vendimi për kufirin e përbashkët me një ndalesë mes North Macedonia dhe Albania, duke theksuar përfitimet që sipas tij do t’i kenë banorët e zonës së Dibrës.
“Jam veçanërisht i lumtur që vendimin për kufi të përbashkët me një ndalesë me Shqipërinë do ta gëzojnë më së shumti banorët e Dibrës me rrethinë”, u shpreh ai.
Në fund, Kasami përgëzoi Melën për punën e deritanishme dhe e falënderoi për mikpritjen gjatë vizitës në qytet.
Burimi: alfax.mk
