3
Tetovë, 28 mars – Komuna e Tetovës ka reduktuar borxhet e saj për nëntë milionë euro, respektivisht nga 24 milionë, tani shifra është 15 milionë euro, informoi kryetari i Komunës së Tetovës, Bilall Kasami në brifingun e djeshëm me gazetarë.
Që kur mori detyrën, Kasami akuzoi ish kryetaren e komunës se ka lënë institucionin në borxhe prej 24 milionë euro.
“Arritëm që të zvogëlojmë borxhin e Komunës së Tetovës si komunë me të gjitha institucionet e komunës për 9 milionë euro. Nga 24 milionë që u regjistruan në kohën kur unë kam marrë detyrën si kryetar komune, tani për momentin borxhi aktual i komunës duke përfshirë shkollat, kopshtet dhe ndërmarrjet komunale është 15.310,000 euro”, thekson Kasami.
Vetëm komuna e Tetovës ka borxh 8,5 milionë euro, NP “Tetovë” gjashtë milionë, NKP “Sharri” 375 mijë euro, NP “Parkingu i qytetit” 110 mijë euro, NP “Tetova transport” 99 mijë euro, shkollat e mesme kanë borxh 48 mijë euro, ndërsa ato fillore 6.800 euro.
BURIMI: zhurnal.mk
