Kryetari i Tetovës, Bilall Kasami, ka reaguar pas aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit, duke shprehur keqardhje të thellë për vendimin.
Kasami thotë se bëhet fjalë për një vendim të rëndë ndaj katër personave që, sipas tij, kanë dhënë kontribut në luftën për çlirimin e Kosovës.
Ai ka deklaruar se lufta çlirimtare në Kosovë mbetet pjesë e rëndësishme e historisë së shqiptarëve, ndërsa ka shprehur pritjen që Gjykata e Apelit ta rishqyrtojë vendimin.
Kasami ka shprehur gjithashtu solidaritet me familjet e Thaçit, Veselit, Krasniqit dhe Selimit, si dhe me bashkëluftëtarët e tyre.
