Intel po kalon një vit të vështirë por më në fund divizioni i kartave grafike të dedikuara arriti të prodhojë një produkt që ja vlen të festohet.
“Kërkesa për kartën grafike Arc B580 është e lartë dhe distributorët kanë shitur stokun e tyre të parë. Presim që javën e ardhshme distributorët të furnizohen përsëri me Intel Arc B580 Limited Edition dhe po punojmë me partnerët për të siguruar një disponueshmëri të gjerë në treg,” tha një përfaqësues i Intel.
Arc B580 vjen për të konkurruar me modelet RX 4060 dhe RX 7600 të Nvidia dhe AMD respektivisht. Ndërsa analistët thanë se B580 nuk i mund RTX 4060 dhe RX 7600 në çdo lojë, veçanërisht në 1080p, mesatarisht është më e shpejtë ndërsa driverat janë maturuar.
Një kontribut në performancën e lartë të B580 luan sasia e memorie RAM prej 12GB. Gjithashtu çmimi prej 250 dollarësh është një pikë e fortë e kartës grafike.
Megjithatë modelet e reja AMD dhe Nvidia janë shumë pranë dhe ky sukses i Intel me B580 mund të mos zgjasë shumë. /PCWorld Albanian
Burimi: pcworld.al
