Qasja e Mbretërisë së Bashkuar në rrjetin televiziv, më parë i quajtur Russia Today, është prekur nga një ndalim i vendosur nga Bashkimi Evropian, raporton BBC.
Megjithëse Mbretëria e Bashkuar nuk është më në BE, blloku aplikoi sanksione ndaj kompanive satelitore në Luksemburg dhe Francë, të cilat siguruan burimin e RT për Sky, Freesat dhe Freeview.
RT tha se “fasada e shtypit të lirë në Evropë më në fund është shembur”.
Sekretarja e Kulturës në Mbretërinë e Bashkuar, Nadine Dorries, e cila e ka përshkruar kanalin si “makina ndotëse e propagandës së Putinit”, tha se shpresonte që nuk do të kthehej në ekranet e Mbretërisë së Bashkuar.
“Si pjesë e një përpjekjeje dhe diskutimesh të bashkërenduara, Russia Today nuk transmetohet më në shtëpitë britanike, as nga TV, Sky, Freesat apo Freeview”, tha ajo në Dhomën e Komunave të enjten.
