Kombëtarja e Kamerunit ka barazuar me rezultat 1:1 me Panamanë, në ndeshjen miqësore para fillimit të Kampionatit Botëror.
Është interesant se Kameruni nuk ka shënuar fitore në katër ndeshjet e fundit miqësore. Para këtij barazimi, Kameruni u mposht nga Uzbekistani (0:2) dhe Koreja e Jugut (0:1), ndërsa barazoi kundër Xhamajkës (1:1).
Golashënuesi më i mirë i Kamerunit, Eric Maxim Choupo-Moting, hyri në lojë në minutën e 46-të dhe shënoi për 1:0 në të 48-tën.
Panama ka barazuar me golin e Michael Murillo në minutën e 55-të.
Në Kupën e Botës, Kameruni është në grupin e vështirë, në grupin G.
Rivalët e tij janë Zvicra, Brazili dhe Serbia, ndërsa kamerunasit do ta hapin kampionatin më 24 nëntor (11.00) kundër Zvicrës.
Kameruni është gati për sfidën me Zvicrën e Xherdan Shaqirit, Granit Xhakës dhe Ardon Jasharit.
