Futbollisti nga Kosova, Lindrit Kamberi, ka vazhduar kontratën me kampionin e Zvicrës, Zurich.
Skuadra zvicerane njofton se ka rënë dakord për vazhdimin e kontratës edhe për tre vjet me Lindrit Kamberin, deri në verën e vitit 2025.
Mbrojtësi qendror, 22-vjeçari është paraqitur në 18 ndeshje dhe ka shënuar një gol.
Për të fituar përvojën e ndeshjeve dhe për t’u zhvilluar më tej, Kamberi ishte huazuar në FC Wil 1900 për sezonin 2019/2020.
Gjatë sezonit 2020/2021, ai ishte nën kontratë në huazim në FC Winterthur përpara se të kthehej para kohe në Zurich, në mars të vitit 2020.
Drejtori sportiv i Zurich Marinko Jurendic tha se ndihet i lumtur për vazhdimin e kontratës së lojtarit: “L indriti ka vazhduar zhvillimin në vitet e fundit. Ai ishte kapiten i ekipit U21 dhe më pas u paraqit në nivel të lartë në Challenge League.
Profesional u shfaq edhe në Superligë. Me personalitetin pozitiv dhe dëshirën e madhe për përmirësim, Lindriti është bast i sigurt për ekipin tonë. Jam i lumtur që Lindriti, një tjetër talent i klubit tonë, vazhdon rrugëtimin te Zurich-u”.
