27
Zëvendësministrja e Transportit dhe Lidhjeve të Maqedonisë së Veriut, Kaltrina Zekolli Shaqiri sot në zyrën e saj priti sekretarin e dytë të ambasadës së Katarit në Shkup, Saeed Al-Samikh me të cilin diskutuan rreth projekteve aktuale dhe mundësitë e bashkëpunimit në të ardhmen.
Zekolli po ashtu falënderoi sekretarin Saeed Al-Samikh, për mbështetjen e vazhdueshme të shtetit të Katarit si dhe për angazhimin e tij për thellimin dhe forcimin e raporteve mes dy vendeve.
Në zyrën time pata kënaqësinë të mirëpres Sekretarin e Dytë të Ambasadës së Shtetit të Katarit në Republikën e Maqedonisë së Veriut, z. Saeed Al-Samikh.
Zhvilluam një bisedë të këndshme dhe konstruktive rreth projekteve aktuale si dhe planeve për bashkëpunim në të ardhmen.
Me këtë rast, shpreh mirënjohjen time për mbështetjen e vazhdueshme të Shtetit të Katarit, si dhe për angazhimin e tij në forcimin e marrëdhënieve tona miqësore dhe të partneritetit të ndërsjellë.
