Në kohë kur para shtetit është shansi historik për vazhdimin e rrugës europiane, Mickoski bën gjithçka që ta largojë vendin tonë nga BE-ja. Mickoski mbetet politikan destruktiv i cili e bllokon realizimin e qëllimit strategjik të shtetit, anëtarësimi në BE, thonë nga LSDM. Andaj, procesi i integrimit drejt BE-së duhet të vazhdojë, po ashtu edhe reformat përmes miratimit të reformave të nevojshme kushtetuese.
“Çdokush që punon për bllokimin e së ardhmes europiane të vendit, punon kundër interesit strategjik për anëtarësimin në BE dhe kundër vetë BE-së. Secili që vepron kundër qëllimit strategjik për anëtarësimin në BE, punon edhe kundër gjuhës maqedonase në BE. Mickoski e bën pikërisht këtë dhe në këtë mënyrë punon kundër standardit më të mirë jetësor, rritjes ekonomike, rrogave më të larta dhe qasjes deri te fondet europiane. Mickoski duhet të ndalet që të punoj për interesat e dikujt tjetër dhe të ndalet të veprojë kundër BE-së, ndërsa deputetët e VMO-DPMNE-së t’i bashkëngjiten procesit të reformave.”- deklaroi Darko Kaevski, deputet dhe zëdhënës i LSDM-së
Burimi: TV21
