Ministria e Punëve të Jashtme bën të ditur se ministri Bujar Osmani sot ka zhvilluar një bisedë telefonike me kabinetin e presidentit francez, nga ku është njoftuar se është bërë gabim i paqëllimshëm në përdorimin e mbiemrit “maqedonasit e veriut”.
“Përveç komunikimit të rregullt me Ambasadën e Francës në vend, Ministri i Punëve të Jashtme Bujar Osmani sot ka zhvilluar një bisedë telefonike me kabinetin e presidentit Emanuel Macron, ku ka marrë garanci se përdorimi i mbiemrit për qytetarët e Maqedonisë së Veriut është një gabim i paqëllimshëm, që konfirmon “Qëndrimin zyrtar të Francës për respektimin e plotë të emrit zyrtar të vendit, qytetarët e Maqedonisë së Veriut, si dhe mbiemrat përkatës, në atë mënyrë që janë të përcaktuar dhe pranuar në Kombet e Bashkuara, në në përputhje me Marrëveshjen e Prespës”, thanë ata.
