Natën finale të “Big Brother Vip”, moderatorja Arbana Osmani zbuloi se është në pritje të fëmijës së saj të tretë. Ajo është nënë e dy djemve, Jonit dhe Diellit, ndërsa prej vitesh jeton përrallën e saj të dashurisë me regjisorin e njohur Eduart Grishaj. Familjes do t’i shtohet një vajzë, e këtë e zbuloi Joni në mënyrën më të veçantë gjatë udhëtimit të tyre.
Teksa Arbana pas udhëtimit njoftoi se ky mund të ishte udhëtimi i fundit i këtij viti duke qenë se shpejt do të vijë në jetë e vogla e saj dhe do të nisë sezoni i ri. Megjithatë moderatorja ndan me ndjekësit e saj pjesë nga jeta e përditshme, e së fundmi edhe një arsye pse “zihet” me Eduartin.
Lëmshin në familje e bën një termus, po po një termus.
Postimi i Arbanës
“E kam blerë këtë termus për Diellin, por në fakt zihemi ne të rriturit kush ta marrë me vete më parë”, ka shkruar Arbana krahas fotos së termusit.
