Lideri historik i PD, Sali Berisha ka dalë në një konferencë për mediat.
Ai e nisi fjalën e tij me një denoncim teksa deklaroi se Edi Rama ka kapur Gjykatën e Lartë përmes Sokol Sadushit dhe se përvetëson pronat e shqiptarëve përmes vendimeve të gjykatave.
“Jam para jush në këtë bisedë për të denoncuar me ashpërsinë më të madhe vendimin e fundit të Edi Ramës me të cilin ai dëshmon cdo ditë e më shumë se gjykatën e lartë apo Sado gjykatën tani e tutje do ta gjuani gjykata Sadushi e ka kapur përmes sadushit të tij. Sa koordinohet në planin e qartë të masave në mënyrën e dhënies së drejtësisë së shqiptarëve.
Rama dhe Sadushi kanë zgjedhur drejtësinë sugenerys dhe kjo është histori e rëndë turpi. Rama përvetëson pronat e shqiptarëve përmes vendimeve të gjykatave
Me vendimin e tij po vendos kontrollin mbi sistemin gjyqësor. Pa asnjë analizë të detajuar të rasteve, por edhe dëmit që mund ti shkaktohet shtetit, në shkelje të plotë të kushtetutës, Këshilli i Ministrave vendos që për të gjitha institucionet në varësi të KM të hiqet dorë nga rekurset për çështje me natyre administrative.
Mafia e tmerrshme e pronave, e drogës dhe pronave amnistohet dhe nuk shkon më në gjykatën e lartë. Mjafton të cojë qesen në apel sepse sipër ja ka zgjidhur Rama”, tha Berisha.
