Pas një huazimi te Tirol në Austri, Giacomo Vrioni është rikthyer te Juventus.
Bomberi shqiptar ka pasur një sezon të mrekullueshëm në Austri duke shënuar 21 gola dhe duke asistuar 5 herë.
Pavarësisht formës së tij, Juventus nuk e llogarit djaloshin në planet e tij. “Zonja e Vjetër” është duke dëgjuar me kujdes ofertat të cilat vijnë për të.
Dy klube nga Serie A janë të interesuara për Vrionin. Sampdoria dhe Cremonese janë dy klubet italiane të cilat po e shqyrtojnë si mundësi transferimin e tij por pak problem mbetet shifra e lartë të cilën Juventus kërkon.
“Zonja e Vjetër” ka bërë të qartë se Vrioni vlen 10 milionë euro. Madje për sulmuesin ka kërkesa edhe jashtë italisë, gjë e cila e bën akoma edhe më të sigurt largimin e tij nga klubi i bardhezinjve..
