Gazetari Destan Jonuzi në profilin e tij në Facebook ka shprehur opinionin e tij për Bashkimin Demokratik për Integrim si faktor politik në Maqedoninë e Veriut.
Jonuzi ka shkruar se i pari i BDI-së Ali Ahmeti është lider tipik shqiptar dhe model për t’u ndjekur,.
Postimi i plotë.
“Pushteti nuk është vetëm ai që zotëron realisht, por ai që armiqtë tu mendojnë se e zotëron!”, thoshte aktivisti dhe shkrimtari i madh amerikan Saul Alinsky.
Përpjekjet e shkrimtarit për të portretizuar realitetin shpesh shpie drejt një shkrimi të shtrembëruar të realitetit. Prandaj është gazetaria një mbrojtje e mirë nga kjo!
Bashkimi Demokratik për Integrim, partia e Ali Ahmetit është subjekti i vetëm që për 20 vite, nga themelimi i saj në vitin 2002 e këndej është faktor kryesor i çdo garniture qeveritare. Herë me të djathtën, e herë me të majtën. Integristët thjesht u imponuan si faktori politik i pashmangshëm për konstituimin e çdo pushteti ekzekutiv, duke imponuar parimin “fituesi me fituesin”, si një variant i sigurt për të qenë një grup i “përjetshëm” sundues.
Pavarësisht përkushtimit, meritave, gabimeve, kritikave me (pa) të drejtë të kundërshtarëve politik, të gjithë bien dakord në një gjë: figura e Ali Ahmetit është kolosale. Ali Ahmeti është tipik shqiptar, i vërtetë, i ilir, modern dhe model për t’u ndjekur.
