Pas një viti në një krizë financiare që kufizoi angazhimet në tregun e transferimeve, Joan Laporta ka siguruar një injeksion të rëndësishëm parash për sezonin në vazhdim.
Dje, në një mbledhje të përgjithshme të jashtëzakonshme, partnerët i dhanë dritën jeshile dy operacioneve financiare që sipas shtypit spanjoll do të lejojnë investimin prej 500 milionë euro në skuadër.
Këto para vijnë nga shitja e 49 për qind të kompanisë që zotëron mallrat e klubit (vlera 700 milionë euro) dhe maksimumi 25 për qind e të drejtave të ardhshme televizive (për sa vite nuk dihet).
Lidhur me pakon e fundit, Laporta zbuloi se klubi së fundmi hodhi poshtë një ofertë prej 1 miliard eurosh për 100 për qind të të drejtave televizive për 10 vitet e ardhshme.
