Përveç Tiago Motës, para mediave u paraqit dhe talenti turk, Kenan Jildiz. Ky i fundit nuk i fshehu emocionet që ka përpara kësaj sfide të madhe.
“Jemi të emocionuar që do të luajmë një ndeshje të tillë, mezi presim. Do të jetë një ndeshje e madhe dhe ne jemi përgatitur mirë.
Do të jap maksimumin”, shprehet fillimisht Jildiz, i cili jep më pas një vlerësim për sezonin e tij dhe dygolëshin ndaj Interit në ‘San Siro’.
Një notë për sezonin tim deri tani? Është një sezon i mirë, por unë gjithmonë mund të përmirësohem. Dygolëshi në ‘San Siro’ kundër Interit sigurisht që ndryshoi diçka, sepse shënimi ndihmon në rritjen e vetëbesimit. Pozicioni im në fushë? Unë luaj aty ku trajneri më thotë të luaj. Tiago Mota është një trajner i madh, i jam mirënjohës që kam mbështetjen e tij të vazhdueshme”.
Së fundmi, turku bën një reflektim mbi emocionin e të luajturit në Ligën e Kampioneve. “Liga e Kampioneve është një kompeticion historik, jam shumë i lumtur që jam këtu dhe më kujtohen të dridhurat herën e parë që dëgjova himnin. Sot do të jetë një ndeshje e madhe. Sezoni është i gjatë, ne do të përpiqemi të bëjmë më të mirën”, tha Kenan Jildiz.
Burimi: botasot.info
