Ministri britanik, Gavin Williamson, dha dorëheqje nga posti i tij të martën pas akuzave të fundit për ngacmim ndaj ish-shefes konservatore, Wendy Morton, duke thënë se akuzat kundër tij po bëheshin një shpërqendrim për punën e mirë që po bën qeveria.
“Siç e dini, ekziston një proces i vazhdueshëm ankesash në lidhje me mesazhet me tekst që i kam dërguar një kolegeje”, tha Williamson në letrën e tij të dorëheqjes, drejtuar kryeministrit Rishi Sunak, raporton CNN.
“Unë jam në përputhje me këtë proces dhe i kam kërkuar falje marrësit për ato mesazhe. Që atëherë, ka pasur akuza të tjera për sjelljen time në të kaluarën. Unë hedh poshtë këto pretendime, por e kuptoj se këto po bëhen shpërqendruese për punën e mirë që kjo qeveri po bën për popullin britanik”, shtoi ai në letër.
Ligjvënësi i Partisë Konservatore, ishte shkarkuar më parë nga posti i tij si ministër i mbrojtjes në vitin 2019, nga kryeministrja e atëhershme Theresa May, për zbulimin e një vendimi kyç në lidhje me gjigantin kinez të telekomunikacionit Huawei.
Ish-kryeministri Boris Johnson më vonë e emëroi atë si Sekretar të Shtetit për Arsimin, por e hoqi përsëri atë nga roli në vitin 2021 gjatë një riorganizimi të kabinetit.
