Bojan Hristovski ka dhënë dorëheqje nga funksioni ushtrues detyre, drejtor i N.P. “Parkingu i Qytetit”.
Hristovski njoftimin për dorëheqjen e tij e ka bërë në profilin e tij në Facebook.
“Për shkak të mosinteresimit të personit të parë të qytetit për nevojat e Shkupit dhe parkingjeve të qytetit, si dhe për shkak të zvogëlimit drastik të mbështetjes së projekteve që sot po i realizojmë me mjetet tona, parashtroj dorëheqjen time të parevokueshme nga pozita e ushtruesit të detyrës së drejtorit të N.P. “Parkingu i Qytetit”, ka shkruar mes tjerash Hristovski.
