Jennifer Lopez vijoi pjesëmarrjen e saj në Javën e Modës në Milano, ku edhe një herë tërhoqi vëmendjen me paraqitjen e saj elegante.
Këngëtarja 57-vjeçare u fotografua të mërkurën duke dalë nga hoteli ku po qëndron në qytet, e veshur me një fund të shkurtër me printe leopardi, një pardesy në të njëjtin stil dhe taka të larta.
Lopez e kompletoi look-un me një çantë të zezë dhe syze dielli, ndërsa përshëndeti fansat përpara se të nisej për aktivitetet e radhës.
Një mbrëmje më parë, J.Lo ishte ndër yjet kryesore të pranishme në eventin “Vogue World”, ku u shfaq me një fustan të zi të Dolce & Gabbana-s, me dekolte të theksuar dhe stil korseje. Ajo e kombinoi veshjen me doreza transparente, një varëse të spikatur në ngjyrë argjendi dhe smeraldi, si dhe këpucë me majë.
Lopez pritet të marrë pjesë edhe në sfilatën e Brunello Cucinelli, një markë me të cilën ajo dhe ish-bashkëshorti i saj, Ben Affleck, kanë pasur prej kohësh një lidhje të veçantë si fansa të saj.
Pas qëndrimit në Milano, këngëtarja pritet të udhëtojë drejt Kanës, në Francë, për ceremoninë e “NRJ Music Awards”, ku është e nominuar së bashku me emra të njohur të muzikës, mes tyre Harry Styles, Ariana Grande dhe Bad Bunny.
Përveç angazhimeve në muzikë dhe modë, Jennifer Lopez vazhdon t’i kushtojë rëndësi edhe aktivitetit fizik. Ajo ka folur shpesh për rutinën e saj të stërvitjes dhe ushqyerjes, duke theksuar rëndësinë e qëndrueshmërisë dhe përgatitjes fizike.
Në një intervistë për “Extra”, ajo ka treguar se përpiqet të kombinojë ushqyerjen e shëndetshme me stërvitjen, ndërsa në një intervistë për “CBS Mornings” ka shpjeguar se sot fokusohet në një rutinë “më të zgjuar, jo më të vështirë”, duke shfrytëzuar në maksimum kohën që ka në dispozicion për stërvitje.
Burimi: botasot.info
