Komisioni Hetimor për Inceneratorët u përfshi nga debate mes kryetares Jorida Tabaku dhe kreut të Bashkisë së Tiranës Erion Veliaj, i cili është thirrur për të dëshmuar.
Partia Demokratike pretendon se Veliaj në kundërshtim me ligjin për vetëqeverisjen vendore ka dhënë miratimin për projektin e inceneratorit të Tiranës, në një kohë kur kjo kompetencë i takonte Këshillit Bashkiak të Tiranës.
Veliaj: Je ndërtuese prandaj të interesojnë dherat.
Tabaku: S’mund të merreni me jetën time.
Veliaj: Pse të djeg.
Tabaku: Familja ime është shumë e nderuar, përballë çdo organi hetimor.
Veliaj: S’ka asgjë të merresh me ndërtim, ti mendon se vetëm mafiozët janë ndërtues. Mua më flet puna, Tirana është më e pastër.
Tabaku: Për koncesionarin e Tiranës 45 mln euro. Turp është të vjedhësh siç ke bërë ti.
Veliaj: Është marrëdhënie mes dy privatësh. Do bëhesh me tiroide.
Tabaku: Është shumë e rëndë, je duke ofenduar gjithë zonjat.
Veliaj: Nuk vuaj unë nga këto komplekse. Ky është vendimi i Këshillit Bashkiak. Është marrëdhënie mes dy privatësh, hapej gropa e hidhej buzë rrugës, në buzë të Erzenit, në lumin e Tiranës. Tek fusha e Aviacionit tek pallatet që zonja thotë jemi familje pronarësh.
Tabaku: Çështja është a e ke vjedhur Tiranën. A ke marrë vendim që i ke shtuar 45 mln euro koncesionarit të Tiranës? Vjen nga kultura e hedhjes së dherave, Enver Hoxha do ishte krenar për ty.
