Ish-ministrja e Punëve të Brendshme, Gordana Jankulloska, në një intervistë për 360 Gradë thotë se takimi i saj i fundit me ish-kryeministrin Nikolla Gruevski ka qenë disa ditë para se ai të largohej nga vendi.
“Unë dhe Gruevski nuk kemi pasur asnjë komunikim për një kohë të gjatë. Nuk jam pajtuar asnjëherë me atë që ka bërë, pra me faktin se ka ikur në Budapesht”, thotë Jankulloska.
Ajo po vuan dënimin me katër vite burg për rastin “Tenku”, i njëjti për të cilin u arratis Gruevski, për të mos përfunduar pas hekurave.
