Ministria e Punëve të Brendshme kumtoi se D.K. (75) nga fshati Ljubanci është privuar nga liria pasi janë gjetur armë dhe municione gjatë kontrollit në shtëpinë e tij me urdhër të Gjykatës Themelore Penale në Shkup.
“Gjatë kontrollit janë gjetur një revolver “Zastava”, një revolver “Ekol viper”, një pistoletë sinjalizuese, tre korniza municionesh, dy tuba silenciator, 24 fishekë, gjashtë korniza pushke, një hark “Lightning by Barnet”, katër shigjeta harku”, qëndron në kumtesën e MPB-së.
D.K. gjatë ditës do të paraqitet para gjyqtarit të procedurës paraprake dhe pas dokumentimit të rastit kundër tij do të ngrihet padi përkatëse.
