Zëvendësdrejtori i Entit Shtetërorë për Statistika, Ilmi Selami sot njoftoi se shteti kishte miratuar buxhet prej 8,5 milionë eurove për realizimin e procesit të regjistrimit. Ai tha se tashmë janë kthyer 900.000 euro.
“Nga buxheti i shtetit na janë miratuar 8.5 milionë euro për 2018, 2019, 2020 2021, pjesa më e madh kanë qenë laptopët, por është një investim që kthehet sot. Gjegjësisht, tashmë është duke u zhvilluar procedura për ndarjen e laptopëve për institucionet që kanë nevojë për to. Shtyrja e regjistrimit në muajin prill nuk ka kushtuar 500 mijë euro, sepse e gjithë makineria e regjistrimit është vënë në punë në fund të muajit mars, ndërsa vonesa ka ndodhur një ditë para fillimit të regjistrimit në terren”, tha mes tjerash Selami.
