Kandidati i VLEN-it për Çairin, Izet Mexhiti, ka goditur ashpër rivalin e tij nga BDI-ja, Bujar Osmanin, duke e ftuar publikisht në një debat të hapur televiziv.
“E ftova publikisht, iku. S’ka lidhje, mirë që qenka trimnu. E ftoj Bujar Osmanin në duel. Mos bëj teatër! Zgjedh vetë vendin dhe kohën, unë do jem aty!”, ka shkruar Mexhiti.
Ai e akuzon Osmanin për frikë dhe dyfytyrësi, duke thënë se flet për “guxim dhe transparencë”, por ik nga ballafaqimi.
“z.Osmani e di edhe vet që gënjen, ndaj e ftoj të përballemi publikisht ku të dojë, në cilin do televizion,” ka shtuar Mexhiti.
Sipas Mexhitit, Bujar Osmani po luan rolin e “aktorit politik” për të fshehur dështimet e qeverisjes së BDI-së, por këtë herë publiku e ka kuptuar qartë kush po ikën nga debati.
