Kryetari i Komunës së Çairit dhe bashkëkryetar i VLEN-it, Izet Mexhiti, ka bërë të ditur se gjatë aktiviteteve për 22 Nëntorin në Manastir ka zhvilluar një takim me kryeministrin e Republikës së Kosovës, Albin Kurti.
Mexhiti ka publikuar fotografi nga takimi, duke thënë se me Kurtin kanë pirë kafe dhe kanë diskutuar për çështje që prekin Kosovën dhe Maqedoninë e Veriut, lidhjet mes dy vendeve dhe mundësitë për bashkëpunim edhe më të madh.
“Me kryeministrin Kurti kemi gjithmonë çfarë të diskutojmë. Për çështjet që na prekin në Kosovë e në Maqedoninë e Veriut, për lidhjet mes nesh dhe për punët ku mund të bëjmë më shumë bashkë”, ka shkruar Mexhiti.

