Në Istanbul ka filluar trajtimi i Ashraf Abu Amra, fotoreporterit të pavarur palestinez që punon për Anadolu, i cili u plagos gjatë ndërhyrjes së ushtarëve izraelitë në protestat e zhvilluara në kufirin e Rripit të Gazës, raporton Anadolu.
Ai erdhi në Istanbul mëngjesin e sotëm për të kryer trajtimin mjekësor.
Abu Amra, i cili u qëllua dhe u plagos në dorë nga ushtarët izraelitë, u soll në spitalin “Başakşehir Çam and Sakura City Hospital” dhe u ekzaminua në Departamentin e kirurgjisë së dorës.
Mjekët vendosën që Abu Amra të trajtohet në spital për 5 ditë për shkak të infeksionit në dorë. Me operacionin që planifikohet të kryhet nesër, do të kontrollohen muskujt dhe indet në dorën e tij.
Ushtarët izraelitë, të cilët ndërhynë në protestat e mbajtura më 15 shtator në mbështetje të xhamisë Al-Aksa dhe të burgosurve palestinezë në kufirin me Rripin e bllokuar të Gazës, plagosën në dorë fotoreporterin palestinez Ashraf Abu Amra, i cili punon si fotoreporter i pavarur për Anadolu që nga viti 2013.
