Një 27-vjeçar i cili ishte shpallur në kërkim nga Komisariati i Policisë Nr.4 në Tiranë, është arrestuar ditën e sotme në pikën kufitare të Muriqanit.
27-vjeçari i identifikuar me inicialet K.N. ishte shpallur në kërkim nga policia e Tiranës për veprën penale “Vjedhja”.
“Shërbimet e Policisë Kufitare të PKK Muriqan, në hyrje gjatë verifikimeve ndaluan shtetasin K. N., 27 vjeç, banues në Fushë Krujë.
Ky shtetas rezultoi person i shpallur në kërkim nga Komisariati i Policisë Nr.4 në Tiranë, për veprën penale “Vjedhja”. Veprimet e mëtejshme procedurale për këtë shtetas, do të kryhen nga Komisariati i Policisë Nr.4 në Tiranë”,-njofton policia.
