Jennifer Lopez ka zbuluar se ishte duke bërë një banjë me flluska kur Ben Affleck i propozoi për martesë duke e konsideruar atë “momentin më romantik që mund të kishte imagjinuar.”
“Të shtunën në mbrëmje, ndërsa isha në vendin tim të preferuar në tokë (në banjën me flluska), dashuria ime e bukur u gjunjëzua dhe më propozoi për martesë”, tregoi këngëtarja përmes buletinit të saj “On The JLo”
Lopez pranoi se ajo ishte “plotësisht e pakujdesshme” në atë moment.
“[Unë] thjesht shikoja në sytë e tij duke buzëqeshur dhe duke qarë në të njëjtën kohë duke u përpjekur shumë të kuptoja se pas 20 vitesh kjo po ndodhte përsëri,” shpjegoi ajo.
“Isha pa fjalë dhe ai tha, ‘A është kjo një po?’ Unë thashë ‘PO sigurisht që është PO’”.
52 vjeçarja, rrëfeu se po qante kur Affleck i kërkoi asaj të martohej me të dhe se thjeshtësia e gjithë kësaj e bëri atë shumë më romantike.
“Isha duke buzëqeshur aq shumë dhe lotët më rridhnin në fytyrë, duke u ndjerë kaq tepër e lumtur dhe e plotë. Nuk ishte asgjë e zbukuruar, por ishte gjëja më romantike që mund të kisha imagjinuar ndonjëherë”, tha ajo.
“Vetëm një natë e qetë e së shtunës në shtëpi, dy njerëz që premtojnë se do të jenë gjithmonë aty për njëri-tjetrin. Dy njerëz shumë me fat. Kush mori një shans të dytë për dashurinë e vërtetë.”
Në një video që shoqëronte buletinin, Lopez pohoi se propozimi ishte “krejt i papritur”.
“Jam e fejuar! Ishte krejtësisht e papritur. Hyri dashuria ime, hyri Ben dhe u ul në gjunj dhe tha disa gjëra që nuk do t’i harroj kurrë dhe ai nxori një unazë dhe tha: “A do të martohesh me mua?” Dhe ishte momenti më i përsosur,”– tha ajo.
