Një person ka vdekur dhe rreth 12 të tjerë rezultojnë të zhdukur pas një shpërthimi në një bllok banesash në Jersey.
Ngjarja ndodhi pak para orës lokale 04:00. Dy persona të tjerë janë plagosur në këmbë nga shpërthimi dhe janë dërguar për trajtim mjekësor.
Në një video të publikuar shihet momenti kur ndodh shpërthimi i fuqishëm dhe flakët mbulojnë bllokun e banesave.
Policia konfirmoi se dhjetëra banorë rezultojnë të zhdukur. Oficerët kanë rrethuar një pjesë të madhe të St Helier pasi një person u raportua i vdekur, ndërsa i kanë bërë thirrje njerëzve të qëndrojnë larg zonës përreth malit Bingham.
Ndërkohë dhjetëra persona të tjerë janë evakuuar nga zona ishin dërguar në bashkinë e St Helier.
Vendasja Janice Byrne, e cila jeton në banesat përballë, tha: “Ishte e tmerrshme. Pati një shpërthim të madh dhe ndërtesa u drodh.”
Jersey Channel islands explosion pic.twitter.com/KqEUDtyqTo
— Daniel Hunt (@just_daniel1411) December 10, 2022
