Zafir Berisha, ish-shef i shtabit të Brigadës 125 të Zonës Operative të Pashtrikut, i ka reaguar ish-kryeministrit të Kosovës, Ramush Haradinajt pasi që ky i fundit tha se Thaçi dhe Remi vetëm turistë kanë qenë në UÇK.
Berisha ka thënë se Haradinaj duhet të kërkoj falje për këtë deklaratë sepse sipas tij në asnjë zonë të Kosovës nuk mund të ishe turistë.
“Nuk e di se në çfarë gjendje emocionale dhe shpirtërore ka mundën me qenë në atë moment, mirpo Ramushu duhet me kërku falje për lapsusin e bërë! Qasja provinciale me mentalitet mesjetar për luftën e UÇK-së dhe eksponentët e saj, i ka mundësuar mbeturinave të Serbisë të këthehen në pushtet nën ombrellën e sektit të LVV.Drenica, Llapi dhe asnjë zonë tjetër e Kosovës, nuk kanë zona ku gjatë kuftës ka mundën me qenë turist…”, tha ai.
Tutje, ai e ka thumbuar të parin e AAK-së duke thënë se në kohën kur ai ka sulmuar ‘’milicin’’ e Serbisë, Haradinaj ka qenë duke punuar ‘’baushtellë’’ në Zvicër.
“Lufta për sa e di unë nuk ka filluar me 24 mars 1999, sepse ata që u vranë para kësaj date duke përfshi edhe vllaun e Ramushit nuk do të ishin heroi të UÇK-së. Ne që e kemi sulmuam milicin e Serbisë 1993, dikush që dihet edhe 1992, nuk është korrekte të themi që Ramushi në atë kohë ka qënë duke punuar në “baushtellë” në Zvicër!!! Me gjithë respektin për luftën që ka bërë Ramushi me familje dhe bashkëluftëtarët e tij në Dugagjin, nuk besoj që kjo i jepën të drejtë atij me u shprehë për të tjerët kështu, veçenarisht në këtë kohë kur Serbia dhe argatët e saj në pushtet, nuk po lën gurë pa lëvizuar oër ta vën në pikëpytje luftën e lavdishme të UÇK-së dhe të arriturat e saj.”, shkroi ai.
