Ish-komandanti ushtarak rus Igor Girkin, i cili shërbeu si komandant në zonat e kontrolluara nga Rusia të Donbasit në Ukrainën lindore në vitin 2014, është arrestuar në Moskë me akuzën për ekstremizëm, transmeton Anadolu.
Girkin, i cili përdor pseudonimin Strelkov në platformat e mediave sociale, u arrestua të premten, sipas avokatit të tij Aleksandr Molokhov dhe gruas së tij Miroslava Reginskaya.
Girkin u paraqit në Gjykatën Meshchansky në Moskë të premten në mbrëmje, e cila e dërgoi atë në një qendër paraburgimi për dy muaj.
Ai është një ish-oficer i Shërbimit Federal të Sigurisë Ruse, dhe pas dorëheqjes hapi një kanal në Telegram, i cili shpejt u bë i njohur dhe ka pothuajse 900.000 ndjekës.
Girkin është i njohur për mbështetjen e tij të luftës në Ukrainë dhe kritikat e ashpra të strategjisë së ndjekur nga krerët ushtarakë rusë.
