Ish-kryeministri dhe ish kryetari i LDK-së, Isa Mustafa ka reaguar pas vdekjes së ish – kryeministrit të Qeverisë në ekzil, Bujar Bukoshi.
Në një postim në Facebook, Mustafa ka shkruar se ka shumë për të thënë për kryeministrin që drejtoi Qeverinë në ekzil në ditët e vështira të Kosovës.
Mustafa është shprehur se, kontributi i Bujar Bukoshit vështirë se mund të matet.
Postimi i plotë:
Sot nuk mund të shkruaj gjatë për Kryeministrin tim dhe Kryeministrin e Kosovës dr Bujar Bukoshi i cili iku nga kjo jetë.
Kam shumë për të thënë për njeriun që në kohët më të vështira drejtoi Qeverinë në ekzil, për njeriun që nuk u dorëzua asnjëherë sepse ishte i guximshëm, i ditur, i drejtë dhe i drejtpërdrejtë, i pastër si loti.
Kontributi i tij vështirë se mund të matet, sepse punoi në kohë të pakohë, ku vetëm idealizmi për lirinë e Kosovës e drejtoi përpara. Bujari ishte dhe do të mbetet kolos i pavarësisë së Kosovës!
Burimi: botasot.info
