Gjatë ditës së djeshme është publikuar “Letërnjoftimi i Komunave“ nga instituti “GAP”. Në këtë publikim raportohet për realizimin ose jo të premtimeve elektorale nga qeverisjet komunale.
Nga ky publikim del që kryetari i Komunës së Vushtrrisë, Ferit Idrizi dhe kabineti i tij nga 51 premtime që i kanë dhënë, 33 prej tyre i kanë përmbushur plotësisht.
“1 është gjysmë i përmbushur, 9 kanë filluar të realizohen dhe vetëm 8 nuk kanë filluar ende”, thuhet në njoftimin e Komunës së Vushtrrisë.
Kryetari i Komunës së Vushtrrisë, Ferit Idrizi, ka thënë se deri në përfundim të mandatit “të gjitha premtimet do të realizohen”.
“Letërnjoftimi i Komunave” nga instituti GAP
“Deri në përfundim të mandatit të gjitha premtimet që ju kemi dhënë qytetarëve do të realizohen. Kemi edhe 1 vit deri në përfundim të mandatit për të realizuar të gjitha premtimet, e që për të ndodh kjo po punojmë çdo ditë”, ka thënë ai.
