Instagram së shpejti do të testojë ripostimin, diçka që nuk ka qenë e dispoueshme asnjëherë në aplikacioni po është konsideruar një funksionalitet kyç në Facebook dhe Twitter.
Ky funksionalitet u njoftua nga CEO Adam Mosseri në rrjetin social Twitter dhe vetë Instagrma e konfirmoi më pas tek TechCrunch.
“Jemi duke eksploruar mundësinë për të ripostuar në kohështrirje, ngjashëm siç mund të ripostoni historitë,” tha një përfaqësues i kompanisë.
Instagram Confirms It’s Testing a ‘Re-Post’ / Regram Feature https://t.co/oxii380ZL4
— Matt Navarra (@MattNavarra) September 9, 2022
“Do ta testojmë fillimisht me një numër të kufizuar përdoruesish.”
Ripostimi i historive ka qenë i disponueshëm që prej 2018-ës ndërsa për të ripostuar postimet ka qenë e mundur vetëm përmes aplikacioneve të palëve të treta.
Rivali i Instagram, Tiktok ka prezantuar këtë funksionalitet së fundi pas testimeve në fillim të 2022. Megjithatë videot e ripostuara të TikTok shfaqen vetëm në kohështrirjen “For You” dhe jo në profil.
/PCWorld Albanian
