2
Tetovë, 13 shkurt – Tetë vjeçari nga Tetova, i cili dje kishte lënduar rënd kokën është shtruar në repartin e neurokirurgjisë në qendrën Klinike “Nënë Tereza” në Shkup. Në mbrëmjen e së mërkurës në spitalin e Tetovës pati tensione, për shkak ankesave të familjarëve dhe të afërmve të pacientit, të cilët thoshin se pasi djaloshit i është dhënë mjekimi fillestar, nuk është hospitalizuar por është lëshuar për në shtëpi.
“Fëmijë është pranuar në qendrën urgjente në ora 14:25 minuta fillimisht është tirazhuar sipas protokollit. Fillimisht gjendjen e kanë konstatuar mjekët e urgjencës ndërsa më pas është thirrur edhe neurokirurgu Blerim Zeqiri. Pas Tirazhimit pacienti dërgohet në CT të kokës dhe në ora 14:35 lexohet skeneri poshtë tek kompjuteri dhe monitori dhe mjeku Blerim Zeqiri vendos për hospitalizimin e pacientit në mjekim intensiv. Pranimi pacientit bëhet në ora 15:08, ku monitorohen shenjat vitale të jetës”, thonë nga Spitali i Tetovës.
Familjarët gjatë ditës së djeshme u ankuan se mjekja nuk e ka pranuar pacientin në dhomën intensive.
“E kanë marr fëmijët e kanë sjell në spital njëherë e kanë qepë në spitalin e ri dhe më pas e kanë sjell këtu. Kanë dalë mjekët e shohin se me gjak është djali dhe nuk e pranojnë dy orë”, u shpreh Sali Krasniqi – familjar.
“Ora dy ka ndodhë rasti. Shihe tash sa është ora! 04:40 minuta.
Kur e kanë marr djalin lartë?
“Tash e kanë marr”.
Dy orë ka qëndruar aty djali”, tha Daim Krasniqi – familjar.
Rastin e kanë konfirmuar edhe nga SPB Tetovë nga ku thonë se një djalosh tetëvjeçar ka qenë duke luajtur dhe duke tërhequr derën e përparme të një kontrolli teknik, e cila ka dalë nga shinat dhe ka rënë mbi të. Për ngjarjen është njoftuar edhe prokurori publik, ndërsa ekipi nga SPB Tetovë ka kryer
inspektimin në vendin e ngjarjes.
Televizioni 21 mëson se për këtë rast inspektorati nga ministria e shëndetësisë ka qenë sot në spitalin Tetovës duke kërkuar detaje.
BURIMI: zhurnal.mk
