Inflacioni gjerman u rrit deri në 2.4% në prill, tha të martën zyra federale e statistikave, duke konfirmuar të dhënat paraprake.
Çmimet e konsumit gjerman, të harmonizuara në krahasim me vendet e tjera të Bashkimit Evropian, ishin rritur me 2.3% nga viti në vit në mars, norma më e ulët në pothuajse tre vjet.
“Çmimet e energjisë dhe ushqimeve, në veçanti, kanë pasur një efekt frenues në normën e inflacionit që nga janari 2024,” tha Ruth Brand, presidente e zyrës federale të statistikave, raporton Reuters.
“Megjithatë, inflacioni bazë – i matur si ndryshim në indeksin e çmimeve të konsumit, duke përjashtuar ushqimin dhe energjinë – ka qenë më i lartë se inflacioni i përgjithshëm që nga fillimi i vitit”, shtoi ajo në një deklaratë.
Sipas të dhënave, inflacioni bazë në muajin prill ishte 3.0%.
Burimi: botasot.info
