Udhëheqësi i protestave studentore në shtetin indian të Jharkhandit, Devendra Nath Mahto, është shtruar në spital pasi gjendja e tij shëndetësore u përkeqësua gjatë një greve urie dhe pjesëmarrjes në një marshim drejt Asamblesë së shtetit në Ranchi.
Mahto, i cili ndodhej në ditën e nëntë të grevës së urisë, u dërgua në spital pasi niveli i sheqerit në gjak pësoi një rënie të ndjeshme.
Protesta e së hënës u përshkallëzua pranë legjislaturës së Jharkhandit, ku policia përdori gaz lotsjellës, shkopinj gome dhe topa uji për të shpërndarë mijëra studentë që marshonin drejt ndërtesës së Asamblesë.
Studentët dhe kandidatët për vendet e punës në administratën publike akuzojnë autoritetet për parregullsi në provimet e rekrutimit, përfshirë pretendime për rrjedhje të tezave dhe praktika të padrejta. Ata kërkojnë hetim dhe masa për të garantuar transparencë në procesin e rekrutimit.
Përplasjet mes protestuesve dhe policisë kanë rritur tensionet në Ranchi, ndërsa kërkesat e studentëve për hetim dhe reformim të sistemit të provimeve vijojnë të mbeten në qendër të protestave.
Burimi: botasot.info
