Deputetja e Sarandës, Ina Zhupa, ka reaguar ndaj deklaratave të kryeministrit Edi Rama gjatë vizitës së tij në qytet, duke iu kundërpërgjigjur atij përmes një serie akuzash. Ajo e akuzon Ramën për mungesë programi dhe për përdorimin e premtimeve të pambajtura, që sipas saj, janë të ricikluara dhe të pasinqerta.
Zhupa prezantoi programin e Partisë Demokratike, i cili përqendrohet në zhvillimin e turizmit të qëndrueshëm, ku qytetarët, bizneset e vogla dhe ekonomitë familjare do të përfitojnë.
Ajo theksoi se PD ka një plan për të garantuar akses të barabartë për të gjithë në plazhe dhe të ndalojë privatizimin e pronave bregdetare në emër të klientëve të pushtetit.
Zhupa gjithashtu theksoi disa masa ekonomike të PD, përfshirë një taksë të sheshtë prej 10% mbi kapitalin, heqjen e taksës mbi karburantet dhe uljen e taksës mbi shitjen e pronës. Sipas saj, ky program do të sjellë zhvillim dhe prosperitet për Sarandën, duke e bërë qytetin “Madhështor”.
Burimi: botasot.info
