Zeqirija Ibrahimi, kryetar i Alternativës ka qëndruar sonte në Dibër ku ka takuar aktivistët e kësaj partie, transmeton TV21.
Qëllimi i këtij takimi, siç bëri të ditur Ibrahimi, është që të raportohet te qytetarët për angazhimin e Alternativës dhe për të parë nëse ai angazhim ia ka vlejtur.
“Dëshmojmë se ne nuk vijmë t’i vizitojmë aktivistët, votuesit dhe mbështetësit vetëm në kohën e zgjedhjeve për të kërkuar vota, por se vijmë edhe në kohën kur s’ka zgjedhje dhe vijmë të ballafaqohemi me ata të cilët në kohë të fushatës kërkojmë votën. Vijmë që t’i dëgjojmë, që të ballafaqohemi edhe me atë se a është mbajtur fjala e dhënë dhe si është gjendja jonë. Andaj edhe sot jemi këtu që të rrëfehemi, që të raportojmë, që të dëshmojmë se a ja ka vlejtur vërtet angazhimi ynë i përgjithshëm dhe angazhimi ynë i veçantë si parti”, tha Ibrahimi.
Burimi: TV21
