Kryetari i Alternativës dhe njëri nga liderët e koalicionit VLEN, Zeqirija Ibrahimi, ka zhvilluar një takim me kandidatin e këtij koalicioni për kryetar të Komunës së Dollnenit, Blerim Islami.
“Kisha nderin të pres në takim kandidatin e VLEN për kryetar të Komunës së Dollnenit, z. Blerim Islami. Gjatë takimit diskutuam për vizionin e tij dhe platformën zgjedhore që synon zhvillimin dhe përmirësimin e jetës së qytetarëve në Dollnen,” shkroi Ibrahimi.
Ai theksoi se ndryshimi është i domosdoshëm edhe për këtë komunë dhe se vetëm përmes VLEN-it do të bëhet i mundur.
“Ndryshimi është jetik edhe për Dollnenin, dhe ai do të vijë me VLEN! Në çdo vendbanim ku frymon shqip, VLEN është dhe do të jetë pranë qytetarëve,” u shpreh ai.
Burimi: alfax.mk
